Stuart, Michelle
Pooin' weeds wi my bare han',
Makin broth for the workin man,
Scrubbin fleers the best I can,
O, I wish I wis a man!
Makin scones an githerin eggs,
I'm hingin washin,
Bit scarce o pegs,
O, I wish I wis a man!
Cuttin' grass wi' blunted scythe,
The fairmer's pleased he's got his wife,
It's affa lang, it's soakin weet,
I barely see ma ane twa feet,
O, I wish I wis a man!
An open gate the kye come in,
Their milk they hae t' gie,
The cats they come fae ilkie neuk
For they aa ken it's me.
O, I wish I wis a man!
It's weirin on for supper time,
The geets'll seen be hame,
They'll be rinnin through the corn fields,
Caain' each ither names,
O, I wish I wis a man!
Makin' mince an' tatties,
For ma' man an geets,
Here they come up the road,
Wi their muddy beets,
O, I wish I wis a man!
They're sittin at the table,
Playin wi' their food, "Dinna dee at'!" I said,
"I'm in a bad mood!"
O, I wish I wis a man!
Noo that aabody's in their bed,
We're aa tired oot, We're aa weel fed,
I'm affa gled I'm in ma' bed,
O, I wish I wis a man!