University of Aberdeen Takes you to the main page for this section
Elphinstone Kist   Doric Verse, Work

The Check-oot Quine's Lament     by: Blackhall, Sheena

Tatties, neeps, an ingin,
Poother fur the wash,
Wullie's needin new sheen,
Grip, skyte, flash.

Sweeties, ale, some flooer,
A tinnie wi a bash.
I'm wirkin like robot,
Grip, skyte, flash.

Safties, glaisses, bacon,
Intment fur a rash,
Ma hoose is like a midden,
Grip, skyte, flash.

Mealie jimmies, ganzie,
Cheque, or card, or cash,
Ma dowp is dottled sittin,
Grip, skyte, flash.

Aathin's in a hurry,
Fowk in sic a hash,
Grip, skyte, flash.

A trolly like Ben Nevis!
Michty fit a fash!
I'm scunnert an I'm foonert.
Grip, skyte, flash.

Noo ma shift is endin.
Beans an orange squash.
Hame tae dee the hoosewirk
Up, oot dash!

© University of Aberdeen   Return to Home page