University of Aberdeen Takes you to the main page for this section
Elphinstone Kist   Doric Verse, Family and Home

Seen bi the Windae Cleaner     by: Blackhall, Sheena

A lassie pitten lipstick on
A letter in a luver's haun
A plooky salesman shaves his face
A bridesmaid preens her waddin lace
A budgie flechin in a cage
A boozy faither in a rage
A student beeriet in his buiks
A powser reddin up her cleuks
Twa nurses on a reid divan
A Geisha flutterin her fan
A platie on a grunny's lap
A bathroom wi a dreepin tap
A press wi anely ae cracked cup
The boddom windaes boorded up.

© University of Aberdeen   Return to Home page