University of Aberdeen Takes you to the main page for this section
Elphinstone Kist   Art, Education, Family & Home

A Stitch in Time     by: Wheeler, Les


Two Schoolgirls -
James Cowie

Fit will the future haud
For these twa serious lasses?
Will squeelday's freenship gaither
As time sae swiftly passes?

Fit fuspered blether crosses
Atween this newsin pair?
Dis either o them think aboot
The wider warld oot there?

They stitch an tuck sae bonnily,
Gweed een is fit ye need:
Their hauns like temple duncers
As they draa the rinnin threid.

Fit will the future haud,
As they shew ilk wi the ither?
Fit lucky lad will fin a wife?
Fit lucky bairn a mither?

© University of Aberdeen   Return to Home page