University of Aberdeen Takes you to the main page for this section
Elphinstone Kist   Doric Verse

    by: Glennie, James D.

It wis naething affa speecial
Jist a weel-darn’t hamespun sock
Bit aye it took a magic shape
Fan stuff’t wi Sunty’s trock;
At the fit a bran nyou thrippeny
An an aipple shinin reed,
A tangie or an orange
An a sojer made o leed,
Sene excitet fingers probbit oot
A”Made in Germany” tooteroo
An a braa net Christmas stockin
Wi ferlies stappit fou,
On tap a chaip tin motor car
An a lang tail’t sark a’wyte
Tae keep awa the winter chill
An hap a hungry kyte;
Noo neen o’t cost an affa lot
Jist twa haf-croons at maist
Bit man,on lookin back throwe time
Wi pleesures we war bless’t.

© University of Aberdeen   Return to Home page