Blackhall, Sheena

Heatherin eerin orin aye,
The drums are dirlin lood ootbye!
Hiddledum diddledum deitherin deist,
The pipes are willin the lads tae list.

Too roo rantin ree,
Hine awa, an ower the sea,
Hudderin heiderin hodderin hey,
Cannon rick is cauld an gray.

Eenertie feenertie fichertie feg,
The sodjer's gotten a widden leg.
Pirlie wirlie winkie won,
Far's the cheer in winnin yon?