I'm oot! She thocht she'd caged me,
That the stove wis aff at the waa,
Bit I lowped fae the cooker,
A flame sae wee,
I'm reid an I'm hett an I'm rinnin free,
I've brunt the mat that lay in the haa,
I've brunt the picturs, hear them faa!
I've brunt the beds an the cots sae sma
Birssle an hiss, I've brunt them!
The auld wife thocht she'd caged me..
I'm oot an rinnin free!
The sofa's black an rikkin,
As I daunce fae cheer tae fleer.
I sterted aff as a spirk o flame,
Saw wee that naebody spakk ma name,
Noo Fire ! they skirl
And Fire! they skreich
As I lick the reef wi ma dragon's braith,
The hoose is aisse an kinnlin,
An I am the maister here!