Elizabethans

Blackhall, Sheena

Lace an pomanders, pearls an ruffs
Spanish galleons, dauncin bears
Streets wi a thoosan different guffs
Lark for denner, or potted hares.

Walter Raleigh an Francis Drake
Braved the tide fur the English Queen
The croon sat ill on her royal heid
Till her cousin Mary's sheen war teem.

Mary played in the Dauphin's coort
Bonnie an jimp, an blythe an braw
An thocht that life should be luv an sport
Till the heidsman sneckit her life awa.