Bad Day at School

Wink, Rebecca

I dinna like tae gang tae school
It makks me ay gey sad
Ma mither says, 'Get up that road!
Ye'll makk the teacher mad'

Fin the bell begins tae ring
I go intae ma class
I hiv tae dae a lot o work
An I dinna like ma maths!

I dinna like ma language
An I canna dae a story
I dinna like ma project
Cause it's ay on somethin borin!

I dinna like ma mental
It's jist aa sums, sums, sums!
But I div like ma school denners
The stovies are yum, yum, yum!