Portlethen Primary 7
Tune: Duncan Gray
Tam o Shanter left his hoose
Ha, ha the tellin o't
Found a howf far drink wis loose
Ha, ha the tellin o't
Kate wis sittin on her cheer
Tam wis drinkin aa the beer
Till his horse he couldna steer
Ha, ha the telin o't.
Ootside roared a stormy nicht
Ha ha the tellin o't
Ower the hills the meen wis bricht
Ha, ha the tellin o't
In the wids aside the kirk
Tam saw witches an a dirk
The Deil he lichtit up the mirk
Ha ha the tellin o't.
Tam he saw a bonnie quine
Ha, ha the tellin o't
He thocht Nannie looked divine
Ha, ha the tellin o't
While the witches birled aroon
Weirin naethin bit a goon
Tam roared oot the glekit loon
Ha ha the tellin o't.
Noo the eerie chase began
Ha, ha the tellin o't
Tam he wis a desperate man
Ha ha the tellin o't
Wiches ran as faist as fire
By the dyke an ower the spire
Flegged the coos inside the byre
Ha ha the tellin o't
Tam he heidit fur the burn
Ha ha the tellin o't
Here the witches had tae turn
Ha ha the tellin o't
Nannie rugged oot Maggie's tail
Maggie let oot sic a wail
Wad hae terrifeed a whale
Ha ha the tellin o't
Tam cam bargin hame again
Ha ha the tellin o't
Kate wis in her bed alane
Ha ha the tellin o't
Vowed he wadnae drink nae mair
Fin she helped him up the stair
Maggie's rump wis sair an bare
Ha ha the tellin o't