11th September 2001 : A Dander this Evenin Ootby.

11th September 2001 : A Dander this Evenin Ootby.

Gartshore, Maurice

Conter the dippin sun
The briest o Lochnagar
Keen as an aix.
Birks skitter leaf siller
O windae gless.
Craws, innocent as milk
Peck een wi skreichin delicht
An fae yon chink i the fence
The fox slinks tae his den
Smirkin wi bliddy mou.

Meenits n' sichts disjaskit
Dunt ane man's peace o mind:
This day wull shak the warl
For aa mankind.