This Auld Witch

This Auld Witch

Wheeler, Les

Tune: This Old Man

This aul witch, flyin high
On her broomstick in the sky.

Chorus: Bat's wings, puddock's een
Horny gollach's goo
Help her pit a spell on you!

This aul witch, pointie hat
Flies aboot wi her black cat.

This aul witch, bricht green een
Pit a curse on Aiberdeen.

This aul witch, she's nae real
Pit a curse on oor wee skweel.

This aul witch, bang an clang
Maks me dae my sums aa wrang.

This aul witch, it's nae joke
Made me spill my diet coke.

This aul witch, fit a squirt
Made my sweetie taste like dirt.

This aul witch, thinks she's best
Pit itchie pooder in my vest.

This aul witch, fit a tink
Pit a spider in my sink.

This aul witch, worst o aa
I wish that she wid flee awa!