Paradise Woods (Monymusk)

Paradise Woods (Monymusk)

Glennie, James D.

Green reestlin girss an lang birk trees
Shady neuks an saft waarm breeze,
Broon leafy carpet cracklin dry
An sma reed squrrel gyangs dairtin bye,
The droozy soun o cushy doo
Heard as the Sin waarms mornin dew,
The chirpin chaffie in the hedge
An watter hennie in the sedge,
Tinklin Don gyan bubblin doon
Its hansel peys tae natures tune,
Aye, Paradise weel name't, gin a body see't
Far Creator an created meet.