Beasties

Garden, Roland

They can be sticky an slimey an big or sma
My mither says "I dinna like them at aa!
They're aywis hidin unner stanes,
An crawlin aa the wye up drains,
An ither places, like rottin bark,
Far it's fusty, damp, an permanently dark."

They are foond aa ower yer hoose
An in yer bed they can get loose
Whither ye like em or no,
They'll niver ging awa
Sae if ye really can staund them
Run tae yer da!