University of Aberdeen Takes you to the main page for this section
Elphinstone Kist   Doric Verse, Family and Home

Och Dad!     by: Johnston, William

A pairty?
Aye, a pairty.
Fit kyn o' a pairty?
Jist a pairty.
Ask yer Faither.

A pairty?
Aye a pairty.
Fit kyn o' a pairty?
Jist a pairty.
Ask yer Mither.
A did.
Oh! An fit did she say?
Aat A hid tae ask you. Oh!
So can A ging?
Far aboot is es pairty?
Doon at Stevie's hoose.
Weel, A sippose -
Aye, A can ging?
Weel, as langs yer hame b'eleeven o'clock!
Och Dad - A canna.
Fit wye?
Weel - A jist canna!
Eleeven o'clock, nae later!
Och Dad - aats nae fair!
Fit wye?
Weel - the pairty disna finish at eleeven.
Fit time dis it finish?
Weel - ye see - it disna!
Fit div ye mean it disna?
It jist disna.
N'fit dis aat mean?
Weel - ye see - it's an aa nicht pairty!
Fit!!!???
It's an aa nicht pairty.

AN AA NICHT PAIRTY -AVE NIVVER HEARD THE LIKE!
Ach, your aul' fashioned!
Neen o'yer chik ye little deevil
Och Dad!
Ye'll bide at hame n' aats final.
Och Dad!



© University of Aberdeen   Return to Home page