University of Aberdeen Takes you to the main page for this section
Elphinstone Kist   Bairn-Sang, Music

The Robin Sang     by: Blackhall, Sheena

Tune: Chick-chick-chicken

Rob-rob-rob-rob-robin
Stottin up n' doon sae reid
Rob-rob-rob-rob-robin
Wid ye like a daud o breid?
Fur ye michtna get a crumb till Xmas
Nae even a shakk o seed
Sae rob-rob-rob-rob-robin
Wid ye like a daud o breid?

Rob-rob-rob-rob-robin,
Wid ye like a crust or twa?
Rob-rob-rob-rob-robin
Wi yer feathers broon an braw?
Fur the sky is caal an wintry
An I think it's gaun tae snaw
Oh rob-rob-rob-rob-robin
Wid ye like a crust or twa?

Rob-rob-rob-robin,
Wid ye like a drap tae drink?
Rob-rob-rob-rob-robin
Cause the pond's like a skatin rink
An the icicles are jigglin
An it's caaler than ye think
Oh, rob-rob,rob-rob,robin
Wid ye like a drap tae drink?



© University of Aberdeen   Return to Home page