University of Aberdeen Takes you to the main page for this section
Elphinstone Kist   Doric Verse, Family and Home

At the Shopping Centre     by: Blackhall, Sheena

Paper Shoppie
Watch yer pooch
Heich on hooch
There's a mugger
On the mooch

Fashions
Leave yer maa'
Wi yer da
They winna like
Yer choice ava

Woolies
Up an doon
Sae much tae spy
Aladdin's cave
0 things tae buy

Undies
Plastic dummies
Wi wigs tappit
Showin claes
That fowk keep happit
Lacy punties frae Paree
Frilly bloomers roon yer knee

Sports Shoppie
See the queue
Makk ye spew
Ye'll be here

Scaffies
Navvies
Queues
Fur
Lavvies
Jungle pot plants
Heich an green
At the shops
In Aiberdeen

BIG MACS
Burgers, chips
A can o coke
Somewye clean
Tae park yer dock
Coffee, chocolate
Pick an choose
Wi yer friens
Tae sklaik an news

Sweetie shoppies
Jewellers' staas
Toddlers fechtin
Wi their maas

SHEEN
Safties, trainers
Sandals, beets
Tae save yer taes
Fae city streets

Holidays
In France or Troon
Book them
At the shops in toun

Ony of these shoppies in the shopping centre can be the stert of a story.
Takk your min on a waak inside een. Far will the story takk ye?




© University of Aberdeen   Return to Home page