University of Aberdeen Takes you to the main page for this section
Elphinstone Kist   Doric Verse, History, Education

Romans     by: Blackhall, Sheena

Augustus, Caligula, Nero, Tiberius,
Fower Caesars, glekit, or evil or serious
Sent legions tae regions aa ower the seas
Bringin Gauls Goths an Britons richt doon tae their knees.

In their togas an sandals the senators haiked
Tae the forum fur daily they newsed an they claiked
Aboot fa they wid conquer...fir tribes an fit races
While at hame their rich weeminfoiwk peintit their faces.

They gied the warld baths, Latin, learnin an roads,
An heroes an Gods that they worshipped in odes
And their circus wis free tae the Caledonii
For they fed fowk like us tae the lions fur tea.



© University of Aberdeen   Return to Home page