University of Aberdeen Takes you to the main page for this section
Elphinstone Kist   Doric Verse, Family and Home

Hauns     by: Blackhall, Sheena

Turn the peat,
Mask the tea.
Dicht the greet
Frae a bairnie's ee.

Kepp the kye,
Shear the sheep.
Sell an buy,
Sow an reap.

Hack the coal
Frae the pit heid waa.
Lay the strae
In the stirkie's staa.

Preen an darn,
Spin an weave.
Fecht or pray,
Clap or grieve.

Twa guid friens,
Twa servants baith,
Rock the cradle,
Dig the grave.



© University of Aberdeen   Return to Home page