University of Aberdeen Takes you to the main page for this section
Elphinstone Kist   Doric Verse, Work

The Sodjer     by: Blackhall, Sheena

Heatherin eerin orin aye,
The drums are dirlin lood ootbye!
Hiddledum diddledum deitherin deist,
The pipes are willin the lads tae list.

Too roo rantin ree,
Hine awa, an ower the sea,
Hudderin heiderin hodderin hey,
Cannon rick is cauld an gray.

Eenertie feenertie fichertie feg,
The sodjer's gotten a widden leg.
Pirlie wirlie winkie won,
Far's the cheer in winnin yon?



© University of Aberdeen   Return to Home page