University of Aberdeen Takes you to the main page for this section
Elphinstone Kist   Bairn Rhyme, Animals

Forkietailie     by: Blackhall, Sheena

If I cud be a beastie
I wadna be a snail
Fa humfs his hoosie on his back
Alang a sliddery trail.

I wadna be a centipede
Wi hauf a hunner beets
And hauf a hunner socks tae rug
Aroon ma gollach's queats.

If I cud be a beastie,
I'd be a forkietail
Wi a shears on my bihoochie
An an armoured coat o mail.



© University of Aberdeen   Return to Home page