University of Aberdeen Takes you to the main page for this section
Elphinstone Kist   Bairn Rhyme

Celts     by: Blackhall, Sheena

We feast an boast, we fecht an kill
An fin we’re deid oor bards will tell
Foo strang we were. Foo keen, oor swords
An we’ll live on throw sangs an wirds.

Berry an milk an meal an corn
We merch ahin the carnyx horn
In woad an plaid an torc sae fine
We celebrate wi mead an wine

Wattle an daub wi thatch o strae
On crannog stilts or breist o brae
Wi bigg oor hames, an Druids bless
The foons wi human sacrifice.



© University of Aberdeen   Return to Home page