University of Aberdeen Takes you to the main page for this section
Elphinstone Kist   Doric Verse, Family and Home

At the Shopping Centre     by: Blackhall, Sheena

Paper Shoppie
Watch yer pooch. Heich on hooch
There's a muggar on the mooch.

Fashions
Leave yer Ma, wi yer Da,
They winna like yer choice ava.

Undies
Plastic dummies wi wigs tappit,
Showin claes that keep fowk happit
Lacy punties fae Paree...frilly bloomers roon yer knee

Fowk
Scaffies, navvies, queues fur lavvies,
Jungle pot plants heich an green
Sparkies, skiffies, mannies, wifies,
At the shops in Aiberdeen.

Faist Food
Burgers, chips, a can o coke
Somewye clean tae park yer dock

Coffee, chocolate, pick an choose
Wi yer friens tae text an news

Shoppies
Sweetie shoppies, jewellers' staas,
Littlins fechtin wi their Mas.

Safties, trainers, sandals buits
Merchin throwe the city streets

Holidays in Spain or Troon
Book them at the shops in toon!



© University of Aberdeen   Return to Home page