University of Aberdeen Takes you to the main page for this section
Elphinstone Kist   Bairn Rhyme

    by: Wheeler, Les

Alexander Graham Bell eence thocht tae himsel
That he wid invent a machine
Sae he could phone those fa bade in Montrose
An be really clued intae the scene.

Weel, he worked day an nicht, as hard as he micht,
He fair drove himsel tae excess!
An then cam the day, fan he foond he could say
That the hale thing had been a success.

He fitted a bell, sae that we could aa tell
Tae answer yon beast wi some speed;
But that trill-a-ding-ding fan that phone starts tae ring
Is drivin me richt aff ma heid!



© University of Aberdeen   Return to Home page