University of Aberdeen Takes you to the main page for this section
Elphinstone Kist   Doric Verse, Family and Home, Education

Frunkie     by: Wheeler, Les

Frunkie wisna at the school the day.
I dinna ken fu they aa blame us;
We didna ken aboot the bus:
Frunkie wisna at the school the day.

Frunkie wisna at the school the day,
We wirna tryin tae bully him;
He didna even hae tae rin.
Frunkie wisna at the school the day.

Frunkie wisna at the school the day.
He nivver spoke tae us at aa:
We nivver spoke tae him ava.
Frunkie wisna at the school the day.

Frunkie wisna at the school the day.
We only took his ba for a joke;
Weel... he wisna really like ither folk
Frunkie wisna at the school the day.

Frunkie wisna at the school the day
On the road there's a bloody stain;
An in my guts there's an affa pain.
Frunkie winna be at school again!
Frunkie wisna at the school the day.



© University of Aberdeen   Return to Home page