University of Aberdeen Takes you to the main page for this section
Elphinstone Kist   Bairn Rhyme, Work

The Fireman     by: Wheeler, Les

Doon the street the fire engine;
Siren wailing like a ghost,
Races wi its hose an laidders
Makkin sure nae time is lost.

Firemen tchaavin, water skitin;
Pittin oot the fire an flame.
Mither, faither, bairnies safe noo,
Firemen tak their engine hame.

Folk, ye see, are affa lucky
Fin a ca for help is made,
At the station, ayewis ready
Is yer fearless fire brigade.



© University of Aberdeen   Return to Home page