University of Aberdeen Takes you to the main page for this section
Elphinstone Kist   Doric Verse

Psaulm Twa: Metrical Version (CM)     by: Gardner, Dr Bruce K.

1.Fit wey dae foreign fowk aye rage,
An fash ilk’ alien horde?


2. Kings tak thair stand; hie-heid-yins plot
‘gainst God an His sained Lord:


3. “We’ll rax aff aa thair slave-lyke bands
And fling thair cords awa!”


4. He fa in Hivven sits jist lauchs
An maks feels o thaim aa.


5. But then He spicks tae thaim in wrath
And fashes them in rage:


6. “On Zion’s haly hill, I’ll forge
Ma king, for aa this age.”


7. I sall declare fit’s set in steen,
The Lord has said tae me;
“Ye are ma Son; this very day,
I hae begotten ye”.


8. “Ask me: that gadgies I sall gie -
As heritage thay’ll faa;
The furthest airts ye sall possess
Tae ye I’ll gie thaim aa.


9. Wi wand o iron ye sall wreck
The hale jing-bang o thaim;
Like potter at the wheel ye’ll smash
Tae bits - tae mak again!


10. And noo, behave yersels, ye kings!
Tak, judges, wyse rebuke;


11. Dae service tae the Lord in dreid,
Wi tremmlan, joyfu luik.


12. Embrace the Prince, lest He get wroth –
Destroy ye in the wey;
His furie kinnles in a flash:
Bliss’t aa that on Him stey!


© 2008 Translated from the Hebrew into Doric Lowland Scots and versified by Bruce Gardner.



© University of Aberdeen   Return to Home page