University of Aberdeen Takes you to the main page for this section
Elphinstone Kist   Doric Verse

The Pairtin     by: Glennie, James D.

Hear the Blackie singin lass?
Its hertie burstin tee
Wi a love at’s richt like oors lass
In the lythe o Bennachie.

Cam owre aside me noo lass
Aneth the Rowan tree
Tell me aa yir thochts lass
In the lythe o Bennachie.

Div ye think o me ava lass
Fin nichts are dark an dree?
Is yir hert as true as mine lass
In the lythe o Bennachie?

O dinna gyang awa lass
An leave ma hert sae dree
Nae ither can ye lo’e lass
In the lythe o Bennachie.

Noo caul ma hert, an sair lass
An bare the Rowan tree
An a canna help ma greetin lass
In the lythe o Bennachie.



© University of Aberdeen   Return to Home page