University of Aberdeen Takes you to the main page for this section
Elphinstone Kist   Doric Verse, Family and Home

Hush Little Bairnie     by: Falconer, Joyce

Hush little bairnie, isn't it a shame?
Mammy's gaun tae buy ye
A new computer game.

If that computer game
Makks ye scream an bawl
Mammy's gaun tae buy ye
A sparkly barbie dall.

An if that barbie dall
Disna bring ye bliss
I'll buy ye a video
O Pocahontis

An if that video
Gies ye the blues
I'll buy ye the latest
Designer trainin shoes.

An if these designer shoe
Trainers dinna fit
I'll buy ye the latest
Designer fitba kit.

If I've bocht aa these things
An you I canna feed....
I'll gie ye guid luvin
Cause it's fit ye really need.



© University of Aberdeen   Return to Home page