University of Aberdeen Takes you to the main page for this section
Elphinstone Kist   Music, Bothy Ballad

It's Lonely in the Bothy     by: Allan, Charlie

Oh fin I gaed hame tae Ardo
Well the boss had nae a clue
He couldna back a tractor cairt
There wis naewye he could ploo
Therefor I got aa the wirk tae dee
That suited me jist fine
And I bade in a little timmer bothy.

Chorus:
Oh the cauld wins they blaw in aneth
Ma timmer bothy door
An the moosies they jook in an oot
The knot holes in the floor
Bit that's nae the warst o bein here
Discomforts I can thole
It's lonely at nicht in the bothy.

Oh I sort the mannie's funcy bulls
An pit them oot for Perth
An I ken that I'm the best showman
That iver walked the earth
Bit fin aa the judgin's ower an fin aa the silver's won
It's back tae my little timmer bothy.

Well now I've nae wife tae tie me doon
Sae I'm aye on the loose
An nearly ivery nicht I'm doon
At Waldie's public hoose
Bit ye canna blame a man
For takkin comforts far he can
For it's lonely at nicht in the bothy.



© University of Aberdeen   Return to Home page