University of Aberdeen Takes you to the main page for this section
Elphinstone Kist   Doric Verse, History, Family and Home

The Clearances     by: Gaffron, Aileen

Frae dawn tae mirk we vrocht oor lan
Frae whin tae corn, we brocht oor lan
Wi the sweat o wir broos we bocht oor lan
But noo we maun awa

We focht hard tae achieve oor crafts
Wi broken hairts we leave oor crafts
For the law turned thief tae reive oor crafts
An so we maun awa.

The laird he sweirs he'll burn oor hames
So we can ne'er return tae oor hames
Bit aa through life we'll mourn oor hames
Fan we are far awa.



© University of Aberdeen   Return to Home page