University of Aberdeen Takes you to the main page for this section
Elphinstone Kist   Doric Verse, Family and Homes, Place

Up Abeen     by: Gaffron, Aileen

In ma house there are mony mansions
Said oor Maister, fan he wis here.
Bit I am nae eesed tae big hooses
They are cauld, an sterk an drear.

So, fan I win up tae Heiven
I will jist ging ower an speir
Gin there's a craft on a clood-edge,
Far I can look doon on New Deer!

© University of Aberdeen   Return to Home page